सन 1964 मधील डॉ.कोठारी आयोगाच्या शिफारशीनुसार अधिकाधिक युवकांना विविध व्यवसायांचे प्रशिक्षण देण्याच्या दृष्टीने, रोजगार/स्वयंरोजगार करण्यांस प्रवृत्त करावे, जेणेकरुन महाविद्यालयीन शिक्षणाकडे जाणारा लोंढा थांबावावा. याउद्देशाने 1978-79 पासून राज्यात व्यवसाय विषयांची 30% व्याप्ती असलेले, +2 स्तरावरील व्दिलक्षी  व्यवसाय अभ्यासक्रम  सुरु करण्यांत आले.  सद्यस्थितीत तांत्रिक / वाणिज्य / कृषी  / मत्स्य या गटातील एकूण 16 व्दिलक्षी व्यवसाय अभ्यासक्रम राबविण्यात येतात.

सदर अभ्यासक्रम इ.11 वी व इ.12 वी स्तरावर राबविण्यात येतात.

इ.11 वी मध्ये इंग्रजी, भौतिकशास्त्र, रसायनशास्त्र, गणित या विषयांबरोबरच खालीलपैकी +2 स्तरावरील व्दिलक्षी व्यवसाय अभ्यासक्रमापैकी कोणताही एक अभ्यासक्रम निवडता येतो.  +2 स्तरावरील व्दिलक्षी व्यवसाय अभ्यासक्रम निवडल्यास मराठी, हिंदी/संस्कृत, हिंदी व संस्कृत हे विषय नसतात.

सदर अभ्यासक्रम घेणा-या विद्यार्थ्यांना अभियांत्रिकी शाखेमध्ये प्रवेशाच्या चांगल्या संधी उपलब्ध आहेत.त्याचबरोबर अभियांत्रिकी शाखेमधील पदविकेच्या (Diploma) व्दितीय वर्षामध्ये प्रवेशाची सुविधा उपलब्ध आहे.

सदर अभ्यासक्रमांच्या परीक्षा महाराष्ट्र राज्य माध्यमिक व उच्च माध्यमिक परीक्षा मंडळ, पुणे यांचेमार्फत घेण्यात येतात व उत्तीर्ण विद्यार्थ्यांना प्रमाणपत्र देण्यात येते.

+2 स्तरावरील व्दिलक्षी व्यवसाय अभ्यासक्रम योजनेतंर्गत खालील अभ्यासक्रम राबविले जातात.